నేడు బెంగళూరుకు మంత్రి లోకేశ్

రాప్తాడుకు చెందిన బాలిక ఆరోగ్య పరిస్థితిని తెలుసుకునేందుకు మంత్రి నారా లోకేశ్ నేడు మధ్యాహ్నం బెంగళూరు వెళ్లనున్నారు. ఈ పర్యటనలో భాగంగా మణిపాల్ ఆస్పత్రి వైద్యులతో ఆయన ప్రత్యేకంగా చర్చించనున్నారు. బాలికకు ప్రస్తుతం అందుతున్న వైద్య సేవలు, ఆరోగ్య పరిస్థితిపై వివరాలు తెలుసుకోనున్నారు.

బాలికకు మరింత మెరుగైన వైద్యం అందించడంపై లోకేశ్ ప్రత్యేక దృష్టి సారించనున్నారు. అలాగే బాధిత బాలిక కుటుంబ సభ్యులను పరామర్శించి, వారికి ధైర్యం చెప్పనున్నారు. బాలిక ఆరోగ్య పరిస్థితిపై ఎప్పటికప్పుడు వివరాలు తెలుసుకుంటూ, అవసరమైన వైద్య సహాయం అందేలా చర్యలు తీసుకోనున్నారు.