సినీ పరిశ్రమలో విషాదం..రోడ్డు ప్రమాదంలో ఇద్దరు యువ కళాకారుల దుర్మరణం

యువ నటుడు భరత్ కాంత్ మరియు సినిమాటోగ్రాఫర్ సాయి త్రిలోక్ నిన్న ఆదిబట్ల సమీపంలో జరిగిన ఘోర రోడ్డు ప్రమాదంలో మృతి చెందారు. నెల్లూరుకు చెందిన ఈ ఇద్దరూ హైదరాబాద్ వైపు ప్రయాణిస్తుండగా, వారి కారు ఔటర్ రింగ్ రోడ్‌పై కంటైనర్ లారీని ఢీకొట్టినట్లు సమాచారం. ఈ ఘటనతో తెలుగు సినీ పరిశ్రమలో విషాద ఛాయలు అలుముకున్నాయి.

ప్రాథమిక సమాచారం ప్రకారం, అతివేగంతో జరిగిన ఈ ప్రమాదంలో కారు పూర్తిగా ధ్వంసమైంది. భరత్ కాంత్, సాయి త్రిలోక్ అక్కడికక్కడే మృతి చెందినట్లు పోలీసులు తెలిపారు. ఘటనపై కేసు నమోదు చేసిన పోలీసులు దర్యాప్తు చేపట్టారు. సినీ ప్రముఖులు, స్నేహితులు, అభిమానులు వారి మృతిపై తీవ్ర దిగ్భ్రాంతి వ్యక్తం చేస్తున్నారు.