తిరుమల: అలిపిరి నడకమార్గంలో చిరుతపులి సంచారం

తిరుమల అలిపిరి నడకమార్గంలో చిరుతపులి సంచారం భక్తుల్లో ఆందోళనకు కారణమైంది. 2765వ మెట్టు సమీపంలో ఓ చెట్టుపై చిరుత కూర్చొని ఉన్నట్లు భక్తులు గుర్తించారు. చిరుతను చూసిన భక్తులు భయాందోళనకు గురయ్యారు. ఘటన నేపథ్యంలో భక్తుల భద్రతపై భద్రతా సిబ్బంది ప్రత్యేక దృష్టి సారించారు.

భక్తులు ఒంటరిగా నడవకుండా గుంపులుగా వెళ్లేలా భద్రతా సిబ్బంది చర్యలు చేపట్టారు. అలిపిరి నడకమార్గంలో భక్తుల రాకపోకలను పర్యవేక్షిస్తూ అప్రమత్తంగా వ్యవహరిస్తున్నారు. తిరుమలలో ప్రస్తుతం బ్రహ్మోత్సవాల సందర్భంగా భారీగా భక్తులు తరలివస్తున్న నేపథ్యంలో, భక్తుల భద్రత కోసం పోలీసులు, టీటీడీ భద్రతా సిబ్బంది ప్రత్యేక ఏర్పాట్లు చేస్తున్నారు.