పీవీ సింధు కి సీఎం రేవంత్ రెడ్డి గ్రీటింగ్స్

జపాన్‌లో జరిగిన ప్రతిష్ఠాత్మక జపాన్ ఓపెన్ సూపర్-750 బ్యాడ్మింటన్ టోర్నమెంట్ మహిళల సింగిల్స్ విభాగంలో టైటిల్ గెలిచిన భారత స్టార్ షట్లర్ పీవీ సింధుకు తెలంగాణ ముఖ్యమంత్రి ఎ. రేవంత్ రెడ్డి హృదయపూర్వక అభినందనలు తెలిపారు. కెరీర్‌లో తొలి సూపర్-750 టైటిల్‌ను సాధించడం భారత క్రీడారంగానికి గర్వకారణమని ఆయన పేర్కొన్నారు.

తన అసాధారణ ప్రతిభ, కృషి, పట్టుదలతో దేశ యువతకు స్ఫూర్తిగా నిలుస్తున్న పీవీ సింధు భవిష్యత్తులో మరిన్ని అంతర్జాతీయ విజయాలు సాధించాలని ముఖ్యమంత్రి ఆకాంక్షించారు. భారత క్రీడా పతాకాన్ని ప్రపంచ వేదికపై మరింత ఎత్తుకు తీసుకెళ్లాలని ఆమెకు శుభాకాంక్షలు తెలిపారు.