భానుడి ప్రతాపం.. ఒక్కరోజే అంత మంది మృతి

ఉత్తర, మధ్య తెలంగాణ జిల్లాల్లో తీవ్రమైన ఎండలు ప్రజలను అతలాకుతలం చేస్తున్నాయి. బుధవారం ఒక్కరోజే వడదెబ్బతో 9 మంది మృతి చెందినట్లు సమాచారం. నిర్మల్ జిల్లాలో అత్యధికంగా 46.5 డిగ్రీల ఉష్ణోగ్రత నమోదు కావడంతో పరిస్థితి మరింత తీవ్రంగా మారింది.

వచ్చే రెండు రోజులు రెడ్ అలర్ట్ జారీ చేస్తూ అధికారులు ప్రజలను అప్రమత్తంగా ఉండాలని సూచించారు. ఎండ తీవ్రతతో గ్రామాలు, పట్టణాల్లో సాధారణ జీవనం దెబ్బతింది. ఉమ్మడి కరీంనగర్ జిల్లాలోనే ఆరుగురు మృతి చెందడం ఆందోళన కలిగిస్తోంది. పరిస్థితిని అధికారులు క్షుణ్ణంగా పరిశీలిస్తున్నారు.