'టాక్సిక్'ను ఫ్యామిలీతో చూడొద్దు: రాజాసింగ్

‘టాక్సిక్’ సినిమాపై ఎమ్మెల్యే రాజాసింగ్ తీవ్ర విమర్శలు చేశారు. ఈ చిత్రంలో సమాజానికి ఉపయోగపడే సందేశం కనిపించలేదని ఆయన అన్నారు. అశ్లీలత, డ్రగ్స్, హత్యలు, హింస వంటి అంశాలకే ఎక్కువ ప్రాధాన్యం ఇచ్చారని ఆరోపించారు. ఇలాంటి కంటెంట్ సమాజంపై ఎలాంటి ప్రభావం చూపుతుందో దర్శకుడు, నిర్మాత, హీరో ఆలోచించాల్సిన అవసరం ఉందని పేర్కొన్నారు. ఈ సినిమాను కుటుంబంతో కలిసి చూడొద్దని ప్రేక్షకులకు సూచించారు.

అదే సమయంలో సమాజానికి ఉపయోగపడే కథాంశాలతో తెరకెక్కే సినిమాలను ప్రోత్సహించాలని రాజాసింగ్ కోరారు. రవితేజ నటించిన ‘ఇరుముడి’ సినిమాలో ధర్మం, సమాజం వంటి అంశాలను చక్కగా చూపించారని ప్రశంసించారు. అలాగే ‘ఛావా’ సినిమాను కూడా మంచి చిత్రంగా అభివర్ణించారు. ప్రేక్షకులు విలువైన సందేశాన్ని అందించే సినిమాలను ఆదరించాలని ఆయన పిలుపునిచ్చారు.