నికోబార్ అంశాన్ని పార్లమెంటులో లేవనెత్తనున్న రాహుల్

అండమాన్‌ నికోబార్‌ దీవుల్లోని క్యాంప్‌బెల్‌ బే వద్ద చేపట్టిన గ్రేట్‌ నికోబార్‌ ప్రాజెక్టు దేశ సహజ, గిరిజన వారసత్వ సంపదకు వ్యతిరేకంగా జరిగిన అతిపెద్ద కుంభకోణాల్లో ఒకటని కాంగ్రెస్‌ అగ్రనేత రాహుల్‌ గాంధీ బుధవారం ఆరోపించారు. ఈ ప్రాజెక్టు కారణంగా 160 చదరపు కిలోమీటర్ల విస్తీర్ణంలో లక్షల చెట్లు నరికివేయాల్సి వస్తుందని, ఇది అభివృద్ధి పేరుతో జరుగుతున్న విధ్వంసమని ఆయన విమర్శించారు.

ఈ అంశాన్ని పార్లమెంటులో లేవనెత్తుతానని రాహుల్‌ తెలిపారు. ప్రాజెక్టుకు వ్యతిరేకంగా ఉన్న గిరిజన నాయకులను కలవడానికి ఆయన క్యాంప్‌బెల్‌ బేను సందర్శించి తన పర్యటన వివరాలను సామాజిక మాధ్యమాల్లో పంచుకున్నారు.