యువత ఆగ్రహానికి మీమ్‌ రూపం కొత్త పార్టీ వైరల్‌

కాక్‌రోచ్ జనతా పార్టీ అనే వ్యంగ్య రాజకీయ వేదిక ప్రస్తుతం సామాజిక మాధ్యమాల్లో విపరీతంగా వైరల్ అవుతోంది. మే 16, 2026న ప్రారంభమైన ఈ వేదికను మాజీ ఆమ్ ఆద్మీ పార్టీ సామాజిక మాధ్యమ కార్యకర్త అభిజీత్ దిప్కే స్థాపించారు. సుప్రీంకోర్టు విచారణ సందర్భంగా యువ నిరుద్యోగులు, నకిలీ డిగ్రీల కార్యకర్తలపై వచ్చిన వ్యాఖ్యల నేపథ్యంలో దీనిని సరదాగా ప్రారంభించినట్లు తెలుస్తోంది. నిరుద్యోగం, పరీక్షల లీకులు, వ్యవస్థలపై నమ్మకం కోల్పోతున్న యువత భావాలను వ్యంగ్య రూపంలో ఈ వేదిక వ్యక్తపరుస్తోంది.

“సోమరులు, నిరుద్యోగుల స్వరం” అంటూ ప్రచారం చేసుకుంటున్న ఈ వేదికకు కొన్ని రోజుల్లోనే వేలాది మంది మద్దతు తెలిపినట్లు సమాచారం. మహిళలకు పార్లమెంట్‌లో 50 శాతం రిజర్వేషన్‌, పదవీ విరమణ తర్వాత న్యాయమూర్తులకు రాజ్యసభ స్థానాలు ఇవ్వకూడదనే డిమాండ్లు వంటి అంశాలను తమ ప్రకటనలో పేర్కొంది. ప్రస్తుతం ఇది పూర్తిగా అంతర్జాల వ్యంగ్య ఉద్యమంగానే కొనసాగుతున్నప్పటికీ, యువతలో పెరుగుతున్న అసంతృప్తిని హాస్య రూపంలో ప్రతిబింబిస్తోందనే చర్చ సాగుతోంది.