కేరళంలో కిమ్స్ హాస్పిటల్ విస్తరణ

కిమ్స్ హెల్త్‌కేర్ మేనేజ్‌మెంట్ లిమిటెడ్‌కు చెందిన అనుబంధ సంస్థ ఆస్టర్ డీఎం క్వాలిటీ కేర్ కేరళలోని తిరువనంతపురంలో ఉన్న తన హాస్పిటల్ విస్తరణకు రూ.134.4 కోట్ల పెట్టుబడి పెట్టనున్నట్లు ప్రకటించింది. హాస్పిటల్‌లో కొత్త బ్లాక్ నిర్మాణానికి కంపెనీ బోర్డు ఆమోదం తెలిపింది. ఈ విస్తరణ ద్వారా ప్రాంతంలో అధునాతన వైద్య సేవలను మరింత విస్తృతంగా అందించేందుకు కంపెనీ సిద్ధమవుతోంది.

కొత్త బ్లాక్ అందుబాటులోకి వచ్చిన తర్వాత హాస్పిటల్‌కు అదనంగా 184 పడకలు చేరనున్నాయి. దీంతో ప్రస్తుతం 795 పడకలతో ఉన్న హాస్పిటల్ మొత్తం పడకల సామర్థ్యం 979కు పెరగనుంది. ఈ విస్తరణ ప్రాజెక్టును మే 2028 నాటికి పూర్తి చేయాలని కంపెనీ లక్ష్యంగా పెట్టుకుంది. పెరుగుతున్న వైద్య సేవల అవసరాలకు అనుగుణంగా మౌలిక సదుపాయాలను బలోపేతం చేయడంలో ఈ ప్రాజెక్టు కీలకంగా మారనుంది.