అమెరికా షరతులు అమలు చేస్తే హర్మూజ్‌ జలసంధి తెరుస్తాం: ఇరాన్‌

అమెరికా తమ షరతులను అమలు చేస్తే రెండు రోజుల్లోగా హర్మూజ్‌ జలసంధిని తిరిగి తెరవాలన్న ప్రతిపాదనపై ఖతార్‌ మధ్యవర్తులతో చర్చలు కొనసాగుతున్నాయని ఇరాన్‌ వెల్లడించింది. ఈ విషయాన్ని ఇరాన్‌ విదేశాంగ మంత్రి అబ్బాస్‌ అరాగ్చీ పేర్కొన్నట్లు అల్‌ జజీరా వెల్లడించింది. వ్యూహాత్మకంగా అత్యంత కీలకమైన ఈ జలమార్గాన్ని తిరిగి తెరిచేందుకు ఇరాన్‌ ప్రతిపాదించిన కార్యాచరణ గడువును తగ్గించే అంశంపై చర్చలు జరుగుతున్నాయి.

తొలుత హర్మూజ్‌ జలసంధిని తిరిగి తెరవడానికి ఐదు రోజుల గడువును ప్రతిపాదించినట్లు సమాచారం. అయితే, ఆ గడువును రెండు రోజులకు తగ్గించే దిశగా ఖతార్‌తో చర్చలు పురోగమిస్తున్నాయని అరాగ్చీ వెల్లడించారు. అమెరికా తమ షరతులను అంగీకరించి అమలు చేస్తేనే ఈ ప్రతిపాదన కార్యరూపం దాల్చే అవకాశం ఉందని ఇరాన్‌ స్పష్టం చేసింది.