నకిలీ స్పోర్ట్స్ సర్టిఫికెట్లు.. డీఎస్సీ నియామకాలపై కొత్త వివాదం

ఏపీ డీఎస్సీ నియామకాల్లో స్పోర్ట్స్ కోటా కింద నకిలీ క్రీడా సర్టిఫికెట్లతో ప్రభుత్వ ఉద్యోగాలు పొందిన ఘటనలు వాస్తవమేనని ఆంధ్రప్రదేశ్ ఒలింపిక్ అసోసియేషన్ అధ్యక్షుడు ఆర్.కె. పురుషోత్తం ఆరోపించారు. ఈ అక్రమాల్లో కొన్ని క్రీడా సంఘాలతో పాటు స్పోర్ట్స్ అథారిటీ ఆఫ్ ఆంధ్రప్రదేశ్ (శాప్) కార్యాలయానికి చెందిన అధికారుల పాత్ర కూడా ఉందని ఆయన పేర్కొన్నారు.

నకిలీ సర్టిఫికెట్లతో ఉద్యోగాలు పొందిన వారిని వెంటనే విధుల నుంచి తొలగించి, ఈ వ్యవహారంలో బాధ్యులైన ప్రతి ఒక్కరిపై క్రిమినల్ కేసులు నమోదు చేయాలని పురుషోత్తం డిమాండ్ చేశారు. స్పోర్ట్స్ కోటా విశ్వసనీయతను కాపాడేందుకు సమగ్ర దర్యాప్తు జరిపి, అక్రమాలకు పాల్పడిన వారిపై కఠిన చర్యలు తీసుకోవాలని ఆయన ప్రభుత్వాన్ని కోరారు.