రీపోలింగ్‌ డిమాండ్‌ చేయడం చెవిరెడ్డికి అలవాటు: సుధారెడ్డి

ఏపీ జడ్పీటీసీ, ఎంపీటీసీ ఎన్నికల పోలింగ్‌ సందర్భంగా చంద్రగిరిలోని ఓ పోలింగ్‌ కేంద్రం వద్ద వైఎస్సార్‌సీపీ నేత చెవిరెడ్డి భాస్కర్‌రెడ్డి హంగామా సృష్టించేందుకు ప్రయత్నించారని ఎమ్మెల్యే పులివర్తి నాని సతీమణి సుధారెడ్డి ఆరోపించారు. అల్లర్లు సృష్టించడం, చంద్రగిరిలో ఏదో జరిగిపోతోందనే పరిస్థితిని చూపించడం, ఆ తర్వాత రీపోలింగ్‌ కోరడం చెవిరెడ్డికి అలవాటేనని ఆమె విమర్శించారు.

చంద్రగిరిలో ఎలాంటి అవాంఛనీయ ఘటనలు చోటుచేసుకోకుండా, పోలింగ్‌ ప్రశాంతంగా జరిగేలా చూడాలనే ఉద్దేశంతోనే తన అన్నకు ఎస్కార్ట్‌గా వెళ్తున్నానని సుధారెడ్డి తెలిపారు. ఎన్నికల సమయంలో ఎలాంటి అల్లర్లు జరగకుండా జాగ్రత్తలు తీసుకోవాల్సిన అవసరం ఉందని ఆమె పేర్కొన్నారు. ఈ సందర్భంగా చెవిరెడ్డిపై ఆమె చేసిన వ్యాఖ్యలు స్థానికంగా రాజకీయ చర్చకు దారితీశాయి.