మక్కా సమీపంలో డ్రోన్ కలకలం..

సౌదీ అరేబియాలోని పవిత్ర నగరం మక్కా సమీపంలో డ్రోన్ కలకలం రేపినట్లు సమాచారం. మక్కా వైపు దూసుకొస్తున్న హౌతీలకు చెందిన డ్రోన్‌ను సౌదీ రక్షణ దళాలు అడ్డుకున్నట్లు తెలుస్తోంది. ఈ ఘటనపై స్పందించిన సౌదీ అధికారిక వర్గాలు పవిత్ర నగరానికి ఎలాంటి ప్రమాదం జరగలేదని స్పష్టం చేశాయి. డ్రోన్‌ను అడ్డుకోవడంతో పరిస్థితి అదుపులోకి వచ్చినట్లు వెల్లడించాయి.

మరోవైపు, తమ ఆపరేషన్‌లో భాగంగా కేవలం సైనిక స్థావరాలనే లక్ష్యంగా చేసుకున్నామని హౌతీలు ప్రకటించినట్లు సమాచారం. పశ్చిమాసియాలో ఇప్పటికే కొనసాగుతున్న ఉద్రిక్తతల నేపథ్యంలో మక్కా వంటి పవిత్ర ప్రాంతాల సమీపంలో డ్రోన్ ఘటన చోటుచేసుకోవడం ఆందోళన కలిగిస్తోంది. డ్రోన్‌ను ఎక్కడ అడ్డుకున్నారు, ఘటనకు సంబంధించిన పూర్తి వివరాలు ఇంకా తెలియాల్సి ఉంది.