గ్రామీణ ప్రజలకు సైబర్ క్రైమ్ అవగాహన

గ్రామీణ ప్రాంతాల్లో నివసించే ప్రజలు సైబర్ నేరాలపై ఎప్పటికప్పుడు అప్రమత్తంగా ఉండాలని నిర్మల్ జిల్లా భైంసా అదనపు ఎస్పీ సాయి కిరణ్ సూచించారు. బుధవారం కుంటాల మండలంలోని పెంచి కల్ పాడ్ గ్రామంలో పోలీసులు కార్డెన్ సెర్చ్ నిర్వహించారు. ఈ తనిఖీలలో సరైన పత్రాలు లేని 70 రెండు చక్రాల వాహనాలు, 3 ప్రయాణికుల ఆటోలను స్వాధీనం చేసుకున్నారు.

ఈ సందర్భంగా పోలీసులు రోడ్డు భద్రత, సైబర్ నేరాలు, మత్తు పదార్థాల వల్ల కలిగే ప్రమాదాలపై ప్రజలకు అవగాహన కల్పించారు. చట్టాలపై కూడా వివరాలు తెలియజేశారు. ఈ కార్యక్రమంలో రూరల్ సీఐ ప్రవీణ్ కుమార్, ఎస్సైలు అశోక్, సుప్రియ, కృష్ణ రెడ్డి తదితర పోలీస్ సిబ్బంది పాల్గొన్నారు.