కేసీఆర్‌కు రాఖీ కట్టిన బీఆర్‌ఎస్‌ మహిళా నేతలు

బీఆర్‌ఎస్‌ అధినేత, తెలంగాణ తొలి ముఖ్యమంత్రి కె. చంద్రశేఖర్‌రావును పార్టీ మహిళా నేతలు రక్షాబంధన్‌ సందర్భంగా కలిశారు. మాజీ ఎమ్మెల్యే గొంగిడి సునీత, మాజీ జిల్లా పరిషత్‌ చైర్‌పర్సన్‌ తుల ఉమ కేసీఆర్‌కు రాఖీ కట్టి పండుగ శుభాకాంక్షలు తెలిపారు. ఈ సందర్భంగా కేసీఆర్‌ వారితో ఆత్మీయంగా ముచ్చటించారు.

అనంతరం కేసీఆర్‌ దంపతులు గొంగిడి సునీత, తుల ఉమలను చీర, సారెతో సత్కరించి దీవించారు. రాఖీ పండుగ సందర్భంగా జరిగిన ఈ కార్యక్రమం బీఆర్‌ఎస్‌ నాయకుల మధ్య ఉన్న ఆత్మీయతను చాటింది.