హైదరాబాద్ క్రికెట్‌లో సంస్కరణల సవాలు ప్రారంభం !

హైదరాబాద్ క్రికెట్ అసోసియేషన్ (హెచ్‌సీఏ)లో గత కొంతకాలంగా అవినీతి, ఆర్థిక అక్రమాలపై ఆరోపణలు వినిపిస్తున్నాయి. పలువురు అధ్యక్షులపై కూడా తీవ్ర విమర్శలు ఉన్నాయి. ఈ నేపథ్యంలో మాజీ క్రికెటర్ అంబటి రాయుడుకు హెచ్‌సీఏలో కీలక బాధ్యతలు అప్పగించినట్లు సమాచారం.

రాయుడు తన నియామకాన్ని సోషల్ మీడియాలో వెల్లడిస్తూ, వ్యవస్థలో ఉన్న సమస్యలను సరిచేయాలని, హైదరాబాద్ మరియు తెలంగాణ నుంచి ప్రతిభావంతులైన క్రికెటర్లను ప్రోత్సహించాలని తెలిపారు. అయితే హెచ్‌సీఏను శుభ్రం చేయడం సులభమైన పని కాదని నిపుణులు భావిస్తున్నారు. అయినప్పటికీ ఆయన అనుభవం ఈ బాధ్యతలో ఉపయోగపడుతుందని అంచనా.