బీజేపీకి ఒక రెడ్ సిగ్నల్ లాంటిది:నటుడు నరేష్

ఇథనాల్ మిశ్రమ పెట్రోల్ వినియోగంపై నటుడు నరేష్ తీవ్ర ఆందోళన వ్యక్తం చేశారు. ఈ విధానం బీజేపీకి ఒక రెడ్ సిగ్నల్‌లాంటిదని పేర్కొంటూ, అన్ని వర్గాల ప్రజలకు ఇబ్బందులు కలిగిస్తున్నదని అన్నారు. తన వ్యక్తిగత అనుభవాన్ని పంచుకుంటూ, తన కొత్త పోర్షే పనమెరా కారుకు ఇథనాల్ పెట్రోల్ కారణంగా దాదాపు రూ.12 లక్షల నష్టం వాటిల్లిందని తెలిపారు.

దీంతో తాను ఇప్పుడు లీటరు రూ.165 ధర కలిగిన హై ఆక్టేన్ 100 పెట్రోల్‌ను వాడాల్సి వస్తోందని చెప్పారు. ధనవంతులు ఖరీదైన ఇంధనాన్ని వాడగలరేమో కానీ, సాధారణ ప్రజల పరిస్థితి ఏమిటని ప్రశ్నించారు. ఆయన వ్యాఖ్యలు ఇంధన విధానాలపై మరియు వాటి ప్రభావంపై చర్చలకు దారితీశాయి.