ఎన్విడియా సీఈఓ జెన్సన్ హువాంగ్ వివాదం.. విచారణకు బోర్డు ఆదేశం!

ప్రముఖ చిప్ తయారీ సంస్థ ఎన్విడియా సీఈఓ జెన్సన్ హువాంగ్ వివాహేతర సంబంధం వ్యవహారం టెక్ ప్రపంచంలో చర్చనీయాంశంగా మారింది. తన భార్యకు ద్రోహం చేశానని అంగీకరిస్తూ ఆయన కంపెనీ ఉద్యోగులకు పంపిన సందేశంలో క్షమాపణలు కోరారు. తన చర్యల వల్ల భార్య, పిల్లలు బాధపడ్డారని, ఇందుకు పూర్తి బాధ్యత తనదేనని పేర్కొన్నారు. ఈ పరిణామాల నేపథ్యంలో హువాంగ్‌కు సంబంధించి వెలువడిన ఆరోపణలపై సమగ్ర విచారణ చేపట్టేందుకు ఎన్విడియా బోర్డు నిర్ణయించింది. ఇందుకోసం స్వతంత్ర డైరెక్టర్ల కమిటీ పర్యవేక్షణలో ప్రముఖ అమెరికన్ న్యాయ సంస్థ సహకారంతో దర్యాప్తు ప్రారంభించింది.

మీడియా కథనాల ప్రకారం, చైనా గూఢచారిగా అమెరికా నిఘా వర్గాలు అనుమానిస్తున్న ఆలిస్ హువాంగ్ అనే వ్యాపారవేత్తతో జెన్సన్ హువాంగ్‌కు సన్నిహిత సంబంధాలు ఉన్నట్లు ఆరోపణలు వచ్చాయి. ఆమె సింగపూర్‌కు చెందిన మెగాస్పీడ్ సంస్థలో కీలక బాధ్యతలు నిర్వహించినట్లు సమాచారం. ఈ వ్యవహారం అమెరికా జాతీయ భద్రత, అధునాతన ఏఐ చిప్‌ల ఎగుమతులకు సంబంధించిన అంశాలతో ముడిపడటంతో ప్రాధాన్యం సంతరించుకుంది. అయితే ఎన్విడియా బోర్డు ఇప్పటివరకు కంపెనీ రహస్యాలు లేదా అమెరికా జాతీయ భద్రతకు నష్టం జరిగినట్లు ఆధారాలు లేవని పేర్కొంది. విచారణకు జెన్సన్ హువాంగ్ పూర్తి సహకారం అందించనున్నారు.