ఇండిగోలో భారీ మార్పు - త్వరలో కొత్త సీఈఓగా విలియమ్ వాల్ష్ బాధ్యతలు!

దేశంలోనే అతిపెద్ద విమానయాన సంస్థ ఇండిగోలో కీలక మార్పు చోటుచేసుకుంది. పీటర్ ఎల్బర్స్ అనూహ్య రాజీనామా తర్వాత విలియం వాల్ష్‌ను కొత్త ప్రధాన కార్యనిర్వాహణ అధికారి గా నియమించారు. ఆయన ఆగస్టు 3వ తేదీ నుంచి బాధ్యతలు స్వీకరించనున్నారు.

ప్రస్తుతం అంతర్జాతీయ విమాన రవాణా సంఘంలో ప్రధాన బాధ్యతలు నిర్వహిస్తున్న వాల్ష్ పదవీకాలం జూలై చివరితో ముగియనుంది. గతంలో అనేక ప్రముఖ విమాన సంస్థల్లో ఆయన కీలక బాధ్యతలు చేపట్టారు. ఆయన అనుభవంతో ఇండిగో మరింత అభివృద్ధి చెందుతుందని సంస్థ భావిస్తోంది.

గత సంవత్సరం డిసెంబర్‌లో అనేక విమానాలు రద్దు కావడంతో ప్రయాణికులు ఇబ్బందులు ఎదుర్కొన్నారు. ఈ పరిణామాల తరువాత పీటర్ ఎల్బర్స్ తన పదవిని ముందుగానే వదిలివేశారు. ఇప్పుడు వాల్ష్ నాయకత్వంలో సంస్థ పనితీరు మెరుగుపడుతుందని ఆశిస్తున్నారు.