సెమీకండక్టర్లలో దీర్ఘకాలిక పెట్టుబడులే కీలకం - ఎన్ చంద్రశేఖరన్

సెమీకండక్టర్ల రంగంలో దీర్ఘకాలిక పెట్టుబడులు భారత్ భవిష్యత్తును తీర్చిదిద్దడంలో కీలక పాత్ర పోషిస్తాయని టాటా సన్స్ ఛైర్మన్ ఎన్. చంద్రశేఖరన్ అన్నారు. ఈ రంగంలో లాభాలు రావడానికి సమయం పట్టినా, వ్యూహాత్మకంగా పెట్టుబడులు పెట్టడం ద్వారా దీర్ఘకాలంలో గణనీయమైన ప్రయోజనాలు పొందవచ్చని ఆయన పేర్కొన్నారు.

న్యూఢిల్లీలో జరుగుతున్న బ్లూమ్‌బర్గ్ న్యూ ఎకానమీ ఫోరమ్–2026లో పాల్గొన్న చంద్రశేఖరన్ దేశ ఆర్థిక భవిష్యత్తుపై తన అభిప్రాయాలను వెల్లడించారు. సెమీకండక్టర్ల రంగంలో రెండు, మూడు సంవత్సరాల్లోనే నిర్దిష్ట లక్ష్యాలను చేరుకోవడంపై కాకుండా, స్థిరమైన దీర్ఘకాలిక అభివృద్ధిపై దృష్టి పెట్టడం ముఖ్యమని ఆయన అన్నారు.