భారీ నష్టాలతో ముగిసిన దేశీయ స్టాక్‌మార్కెట్లు

ట్రంప్‌ టారిఫ్‌లపై నెలకొన్న అనిశ్చితి కారణంగా ఈరోజు దేశీయ స్టాక్‌మార్కెట్లు భారీ నష్టాలతో ముగిశాయి. గ్లోబల్ మార్కెట్లలో ప్రతికూల సంకేతాలు కనిపించడంతో పాటు, అంతర్జాతీయ వాణిజ్యంపై టారిఫ్‌ల ప్రభావం ఉండొచ్చన్న భయాలు పెట్టుబడిదారుల్లో ఆందోళనను పెంచాయి. ఫలితంగా మార్కెట్లలో భారీ అమ్మకాలు చోటుచేసుకున్నాయి.

ఈ క్రమంలో బెంచ్‌మార్క్ సూచీలు తీవ్రంగా పతనమయ్యాయి. సెన్సెక్స్ 797 పాయింట్లు పడిపోగా, నిఫ్టీ 263 పాయింట్ల నష్టంతో ముగిసింది. బ్యాంకింగ్‌, ఐటీ, మెటల్‌, ఫార్మా రంగాలకు చెందిన షేర్లలో ఎక్కువగా అమ్మకాలు కనిపించాయి. ముఖ్యంగా గ్లోబల్ డిమాండ్‌పై అనిశ్చితి పెరగడంతో ఐటీ, మెటల్ స్టాక్స్‌పై తీవ్ర ఒత్తిడి పడింది.