ఉద్యోగులకు కాగ్నిజెంట్‌ గుడ్‌న్యూస్‌.. 100శాతం బోనస్‌

ప్రముఖ ఐటీ సేవల సంస్థ కాగ్నిజెంట్ టెక్నాలజీ సొల్యూషన్స్ తమ ఉద్యోగులకు శుభవార్త అందించింది. 2025 సంవత్సరానికి గాను ఉద్యోగులకు 100 శాతం బోనస్ చెల్లించనున్నట్లు కంపెనీ అధికారికంగా ప్రకటించింది. నిర్ణయించిన లక్ష్యాలను గడువుకు ముందే సాధించినందుకు ఈ బోనస్ ఇవ్వనున్నట్లు వెల్లడించింది.

రెండేళ్లకు ముందుగానే వ్యాపార లక్ష్యాలను చేరుకోవడం ద్వారా సంస్థ బలమైన ఆర్థిక పనితీరును నమోదు చేసింది. ఉద్యోగుల కృషి, నిబద్ధతకు గుర్తింపుగా ఈ బోనస్ చెల్లింపులు చేయనున్నట్లు కాగ్నిజెంట్ తెలిపింది. ఈ నిర్ణయం ఉద్యోగుల్లో ఉత్సాహాన్ని పెంచుతుందని సంస్థ వర్గాలు పేర్కొన్నాయి.