వాట్సాప్ ప్లస్ సబ్‌స్క్రిప్షన్..ఫీచర్లు ఇవే

వాట్సాప్ తన వినియోగదారుల కోసం కొత్త ఫీచర్లను పరిచయం చేయడానికి కీలక నిర్ణయం తీసుకుంది. యూట్యూబ్ మాదిరిగానే “వాట్సాప్ ప్లస్” అనే సబ్‌స్క్రిప్షన్ పథకాన్ని ప్రవేశపెట్టడానికి కంపెనీ సిద్ధమవుతోంది. అయితే, ఈ ప్లాన్ కోసం డబ్బులు చెల్లించాల్సిన అవసరముందా? అనే సందేహం చాలామందికి ఉంది. కంపెనీ వివరాల ప్రకారం, “వాట్సాప్ ప్లస్” పూర్తిగా ఐచ్ఛికమే, అంటే వినియోగదారులు ఈ పథకాన్ని తీసుకోకపోవచ్చు.

వీటిని తీసుకున్న వినియోగదారులకు కొన్ని ప్రత్యేక ప్రయోజనాలు లభిస్తాయి. ఉదాహరణకి, సాధారణంగా 3 చాట్లను మాత్రమే పిన్ చేయగలిగితే, వాట్సాప్ ప్లస్ ద్వారా 20 చాట్లను పిన్ చేయవచ్చు. అలాగే యాప్ గుర్తింపు చిహ్నం, ట్యాబ్‌లు, బటన్ల రంగులు మార్చుకునే సౌకర్యం అందుతుంది.

అదేవిధంగా వినియోగదారులు ప్రత్యేక థీమ్స్, స్టికర్ ప్యాక్లు, వ్యక్తిగత రింగ్‌టోన్స్ సెట్ చేసుకోవడం, మెసేజ్ రియాక్షన్‌ల రంగులను మార్చుకోవడం వంటి అదనపు ఫీచర్లను పొందగలుగుతారు. ఈ విధంగా “వాట్సాప్ ప్లస్” వినియోగదారులకు మెరుగైన అనుభవాన్ని అందిస్తుంది.