వివో V80 లాంచ్.. 7,200mAh బ్యాటరీ, ZEISS కెమెరాలతో అదిరే ఫీచర్లు!

వివో తన కొత్త V80 స్మార్ట్‌ఫోన్‌ను అక్టోబర్ 6న భారత మార్కెట్లో విడుదల చేయనున్నట్లు అధికారికంగా ప్రకటించింది. ఇప్పటికే టీజర్ల ద్వారా పలు ఫీచర్లను వెల్లడించిన కంపెనీ.. కెమెరా, డిస్‌ప్లే, బ్యాటరీ, సాఫ్ట్‌వేర్ విభాగాల్లో ఈ ఫోన్‌కు కీలక అప్‌గ్రేడ్‌లను అందిస్తోంది. ZEISS భాగస్వామ్యంతో 50MP ZEISS OIS ప్రధాన కెమెరాను ఇందులో అందించారు. Sony LYTIA 700V సెన్సార్‌తో పాటు 50MP ZEISS నైట్ టెలిఫొటో కెమెరా, OIS, 3x ఆప్టికల్ జూమ్, 100x వరకు జూమ్ సపోర్ట్ ఉన్నాయి. ZEISS అల్ట్రా-వైడ్ కెమెరా, 50MP ZEISS గ్రూప్ సెల్ఫీ కెమెరా కూడా ఇందులో ఉంటాయి.

వివో V80లో 6.59 అంగుళాల 1.5K OLED డిస్‌ప్లే, 144Hz రిఫ్రెష్ రేట్, 1.07 బిలియన్ రంగులు, 5,000 నిట్స్ వరకు పీక్ బ్రైట్‌నెస్ ఉన్నాయి. 7,200mAh బ్యాటరీతో పాటు 90W FlashCharge సపోర్ట్ అందిస్తున్నారు. కెమెరా అనుభవాన్ని మెరుగుపరిచేందుకు 30కి పైగా AI క్రియేటివ్ టూల్స్‌ను అందిస్తున్నారు. Live Sticker Collage, Pet Pals, Snap Note, Security Shield వంటి ఫీచర్లు ఇందులో ఉన్నాయి. Sunrise Anthem, Horizon Blue, Stellar Black రంగుల్లో ఈ ఫోన్ లభించనుంది. V-Seriesలో తొలిసారిగా OriginOS 7ను అవుట్ ఆఫ్ ది బాక్స్ అందిస్తున్న ఈ ఫోన్ ధర, వేరియంట్ల వివరాలను అక్టోబర్ 6న జరిగే లాంచ్ ఈవెంట్‌లో వెల్లడించనున్నారు.