నాస్కామ్ చైర్మన్ గా శ్రీకాంత్

భారత ఐటీ రంగానికి ప్రాతినిధ్యం వహించే నాస్కామ్ కొత్త ఛైర్మన్‌గా శ్రీకాంత్ వెలమకన్ని నియమితులయ్యారు. ఫ్రాక్టల్ అనలిటిక్స్ సహ వ్యవస్థాపకుడు, గ్రూప్ సీఈఓ అయిన ఆయన, సింధూ గంగాధరన్ స్థానంలో బాధ్యతలు చేపట్టనున్నారు. అలాగే కిషోర్ పాటిల్ను వైస్ చైర్మన్‌గా ఎన్నుకున్నట్లు వెల్లడించారు.

నాస్కామ్‌లో వైస్ చైర్మన్‌గా, ఎగ్జిక్యూటివ్ కౌన్సిల్ సభ్యుడిగా ఆరు సంవత్సరాల అనుభవం ఉన్న శ్రీకాంత్, పరిశ్రమకు సమర్థ నాయకత్వం అందిస్తారని భావిస్తున్నారు. అంతర్జాతీయ టెక్నాలజీ మార్పులకు అనుగుణంగా భారత్‌ను గ్లోబల్ ఏఐ హబ్‌గా తీర్చిదిద్దడంపై, ముఖ్యంగా ఏజెంటిక్ ఏఐ మరియు ప్రొడక్ట్ ఇన్నోవేషన్‌పై దృష్టి సారించనున్నట్లు తెలిపారు.