గూగుల్ ఆధిపత్యంపై ఈయూ అధికారులకు ఫిర్యాదు చేసిన ఓపెన్‌ఏఐ

కృత్రిమ మేధస్సు (AI) రంగంలో పోటీని దెబ్బతీస్తున్న పెద్ద టెక్ సంస్థలపై ఓపెన్‌ఏఐ యూరోపియన్ యూనియన్ (EU) అధికారులకు తన ఆందోళనలను తెలిపింది. ముఖ్యంగా ఆల్ఫాబెట్‌ కంపెనీకి చెందిన గూగుల్ పై ఉన్న ఆధిపత్యం విషయంలో సంస్థ తీవ్ర ఆందోళన వ్యక్తం చేసింది.ఓపెన్‌ఏఐ తెలిపిన ప్రకారం, గత నెలలో EU అధికారులకు సమర్పించిన వాదనలు తమ పబ్లిక్‌ స్టేట్‌మెంట్లతో సమానంగా ఉన్నాయని, AI రంగంలో న్యాయమైన పోటీ అవసరం ఉందని స్పష్టం చేసింది.సెప్టెంబర్‌ 24న జరిగిన సమావేశంలో, EU యాంటీట్రస్ట్‌ చీఫ్‌ తెరెసా రిబెరాతో ఓపెన్‌ఏఐ ప్రతినిధులు సమావేశమై, పెద్ద కంపెనీల ఆధిపత్యం వల్ల చిన్న సంస్థలు ఎదుర్కొంటున్న ఇబ్బందులను వివరించారు. అలాగే, పెద్ద ప్లాట్‌ఫారమ్‌లు యూజర్లను లాక్‌ చేయకుండా జాగ్రత్తలు తీసుకోవాల‌ని ఈయూ అధికారులను కోరారు.

బ్లూమ్‌బెర్గ్‌ న్యూస్ ప్రకారం, ఈ సమావేశంలో ఓపెన్‌ఏఐ ప్రధానంగా గూగుల్ వంటి సంస్థలు తమ మార్కెట్‌ స్థాయిని ఉపయోగించి AI రంగంలో అధికారం పెంచుకుంటున్నాయ‌ని పేర్కొంది.యూరోపియన్ కమిషన్‌ ఇప్పటికే పెద్ద ప్లాట్‌ఫారమ్‌లు తమ ఇంటర్‌కంపెనీ ఒప్పందాల ద్వారా మార్కెట్‌లో ఆధిపత్యం చూపుతున్నాయా లేదా అన్నదానిపై సమీక్ష చేస్తోంది.రాయిటర్స్‌ నివేదిక ప్రకారం, ఈ విషయంపై యూరోపియన్ కమిషన్‌ మరియు గూగుల్ స్పందించడానికి నిరాకరించాయి.ప్రస్తుతం ఓపెన్‌ఏఐకు వారం వారీగా 800 మిలియన్లకు పైగా ChatGPT యూజర్లు ఉన్నారు. ఇటీవల జరిగిన సెకండరీ షేర్‌ సేల్‌ తర్వాత సంస్థ విలువ $500 బిలియన్‌ దాటింది, దీంతో ఇది ప్రపంచంలోనే అత్యంత విలువైన స్టార్టప్‌గా నిలిచింది.