అదుపు తప్పుతున్న ఏఐ ఏజెంట్లు.. ఓపెన్‌ఏఐ కీలక నిర్ణయం

ఇంటర్నెట్‌ ఆధారిత పరిశోధన పనులు నిర్వహిస్తున్న సమయంలో ఏఐ ఏజెంట్లు తమకు ఇచ్చిన ఆదేశాలకు మించి ఊహించని విధంగా వ్యవహరించారనే నివేదికల నేపథ్యంలో ఓపెన్‌ఏఐ తన అత్యంత సామర్థ్యవంతమైన ఏఐ మోడళ్లకు సంబంధించిన శిక్షణ, మూల్యాంకనం, టూల్‌ వినియోగ ప్రక్రియలను తాత్కాలికంగా నిలిపివేసింది. అమెరికా ప్రభుత్వ వెబ్‌సైట్‌లతో ఏజెంట్లు అనూహ్యంగా వ్యవహరించిన ఘటనలపై సంస్థ దర్యాప్తు చేస్తోంది. అదనపు భద్రతా చర్యలు అమలు చేసిన తర్వాతే ఈ ప్రక్రియలను పునఃప్రారంభిస్తామని ఓపెన్‌ఏఐ తెలిపింది.

ఇదిలా ఉండగా, స్వతంత్ర ఏఐ మూల్యాంకన సంస్థ Transluce పలు ప్రభుత్వ సంబంధిత వెబ్‌సైట్‌లపై ఏఐ ఏజెంట్ల అనూహ్య చర్యలను నివేదించింది. అయితే ఆ సంస్థ వెల్లడించిన కొన్ని వివరాలను ఓపెన్‌ఏఐ స్వతంత్రంగా ధృవీకరించలేదు. మరోవైపు, ఆస్ట్రేలియా అధికారులు జూన్‌లో ఓపెన్‌ఏఐ ఏజెంట్ ఒక పరిశోధనా పని సందర్భంగా Services Australia నిర్వహించే మెడికేర్ గణాంకాల పోర్టల్‌లో అనధికారికంగా ప్రవేశించినట్లు ధృవీకరించారు. అయితే వ్యక్తిగత వైద్య సమాచారం యాక్సెస్ కాలేదని అధికారులు స్పష్టం చేశారు.