మ్యూస్ చార్మ్‌తో మెటా కొత్త సంచలనం..

మెటా కనెక్ట్ 2026లో కంపెనీ సీఈఓ మార్క్ జుకర్‌బర్గ్ మ్యూస్‌ను పర్సనల్ ఏఐ ఏజెంట్‌గా అభివృద్ధి చేయాలనే తమ దృష్టిని వెల్లడించారు. వినియోగదారుల లక్ష్యాలను అర్థం చేసుకుని, వారి తరఫున పలు పనులను నిర్వహించేలా మ్యూస్‌ను రూపొందిస్తున్నట్లు తెలిపారు. మ్యూస్ కోసం ప్రత్యేక సెక్యూర్ వర్చువల్ మెషీన్ ఉండగా, మరింత గోప్యత కోసం ‘మ్యూస్ కాన్ఫిడెన్షియల్ వీఎం’ను కూడా తీసుకురానున్నట్లు మెటా తెలిపింది.

ఇదే కార్యక్రమంలో మ్యూస్ చార్మ్ పేరుతో కీచెయిన్ పరిమాణంలో ఉండే చిన్న ఏఐ పరికరాన్ని మెటా ఆవిష్కరించింది. ఫోన్‌ను అన్‌లాక్ చేయడం లేదా యాప్ ఓపెన్ చేయకుండానే వాయిస్ ద్వారా మ్యూస్‌తో మాట్లాడేందుకు ఇది ఉపయోగపడుతుంది. ఫింగర్‌ప్రింట్ సెన్సర్‌తో పనిచేసే ఈ పరికరాన్ని డిసెంబర్ హాలిడే సీజన్‌లో అందుబాటులోకి తీసుకురావాలని మెటా లక్ష్యంగా పెట్టుకుంది.