16GB RAM, భారీ బ్యాటరీతో iQOO Neo 12.. లీకైన కీలక ఫీచర్లు!

ప్రముఖ స్మార్ట్‌ఫోన్ బ్రాండ్ iQOO నుంచి Neo 12 పేరుతో కొత్త ఫోన్ త్వరలో విడుదలయ్యే అవకాశం ఉందని టెక్ వర్గాల్లో ప్రచారం జరుగుతోంది. ఈ ఫోన్ గీక్‌బెంచ్ బెంచ్‌మార్కింగ్ ప్లాట్‌ఫామ్‌లో V2618A మోడల్ నంబర్‌తో కనిపించినట్లు నివేదికలు పేర్కొంటున్నాయి. ఇందులో Qualcomm SM8850 చిప్‌సెట్ ఉండవచ్చని, దీనిని Snapdragon 8 Elite Gen 5తో అనుసంధానిస్తున్నారని సమాచారం. అలాగే 16GB RAM, Android 17 ఆపరేటింగ్ సిస్టమ్ ఉండే అవకాశం ఉందని లీకులు సూచిస్తున్నాయి. అయితే, ఈ వివరాలను కంపెనీ ఇంకా అధికారికంగా ధృవీకరించలేదు.

డిస్‌ప్లే విషయానికి వస్తే, iQOO Neo 12లో 6.83 అంగుళాల ఫ్లాట్ స్క్రీన్, 2K రిజల్యూషన్, అధిక రిఫ్రెష్ రేట్ ఉండవచ్చని అంచనా. ఈ ఫోన్‌లో 9,000mAh భారీ బ్యాటరీ, 100W ఫాస్ట్ ఛార్జింగ్, అల్ట్రాసోనిక్ ఫింగర్‌ప్రింట్ స్కానర్, మెరుగైన నీరు, ధూళి నిరోధకత వంటి ఫీచర్లు ఉండవచ్చని నివేదికలు చెబుతున్నాయి. అక్టోబర్ చివరి వారంలో చైనాలో విడుదలయ్యే అవకాశం ఉందని, అంతర్జాతీయ మార్కెట్లలో iQOO 16R పేరుతో రావచ్చని ప్రచారం జరుగుతోంది. అయితే, భారత మార్కెట్ విడుదల తేదీ, ధర, తుది స్పెసిఫికేషన్లపై అధికారిక సమాచారం వెలువడాల్సి ఉంది.