క్రిప్టో మార్కెట్‌కు ఊపు..

ప్రపంచ ఉద్రిక్తతలు తగ్గడం, ముడిచమురు ధరలు పడిపోవడం, అమెరికా ట్రెజరీ యీల్డ్స్ తగ్గడం వంటి పరిణామాలతో క్రిప్టో మార్కెట్ బుధవారం పుంజుకుంది. బిట్‌కాయిన్‌ సుమారు $64,000 (రూ.60.9 లక్షలు) వద్ద ట్రేడవగా, ఎథీరియం $1,800 (రూ.1.78 లక్షలు) వద్ద కొనసాగింది. ఇదే సమయంలో బీఎన్‌బీ, సోలానా, ఎక్స్‌ఆర్‌పీ, డోజ్‌కాయిన్ వంటి ప్రధాన ఆల్ట్‌కాయిన్లు కూడా స్వల్ప లాభాలను నమోదు చేశాయి.

అయితే స్పాట్ మార్కెట్‌లో కొనుగోళ్లు ఇంకా బలంగా లేకపోవడం, డెరివేటివ్స్ మార్కెట్‌లో పెట్టుబడిదారులు అప్రమత్తంగా ఉండటం వల్ల భారీ ర్యాలీకి అవకాశాలు పరిమితంగానే ఉన్నాయని నిపుణులు అభిప్రాయపడుతున్నారు. అమెరికా స్పాట్ బిట్‌కాయిన్ ETFల్లో పెట్టుబడుల ప్రవాహం, ఈ వారం విడుదల కానున్న అమెరికా ఉద్యోగాల నివేదిక తదుపరి మార్కెట్ దిశను నిర్ణయించే కీలక అంశాలుగా విశ్లేషకులు పేర్కొన్నారు. $64,500–$66,000 స్థాయిని అధిగమిస్తే బిట్‌కాయిన్‌కు మరింత బలమైన రికవరీ అవకాశాలు ఉన్నాయని వారు అంచనా వేస్తున్నారు.