ఏఐకి శిక్షణ ఇస్తూ ఏఐనే వాడారు.. ఉద్యోగులపై ఓపెన్‌ఏఐ చర్యలు

కృత్రిమ మేధ మోడళ్లను మరింత మెరుగుపరిచేందుకు ఓపెన్‌ఏఐ కాంట్రాక్ట్‌ ఉద్యోగుల సాయం తీసుకుంటోంది. వీరు నిజమైన చాట్‌జీపీటీ వినియోగదారుల ప్రాంప్ట్‌లు, సంభాషణలను పరిశీలించి.. ఏఐ ఇచ్చిన సమాధానాలను రేట్‌ చేయడం, వినియోగదారుడి ఉద్దేశాన్ని గుర్తించడం, స్పందనల్లో లోపాలను విశ్లేషించడం వంటి పనులు చేస్తారు. 2026 సెప్టెంబరులో వెలువడిన 404 మీడియా నివేదికల ప్రకారం.. ఈ పనుల్లో కొందరు కాంట్రాక్టర్లు తమ సొంత పనిని పూర్తి చేసేందుకు ఏఐ సాధనాలను ఉపయోగించడంతో వారిని ప్రాజెక్టుల నుంచి తొలగించారు. కొన్ని ప్రాజెక్టుల్లో వేలాది మంది కాంట్రాక్టర్లు పనిచేస్తున్నట్లు అంతర్గత పత్రాలు సూచిస్తున్నాయి.

మానవుల నుంచి వచ్చే సహజమైన అభిప్రాయాలే ఈ శిక్షణలో కీలకం కావడంతో.. కాంట్రాక్టర్లు తమ మూల్యాంకనాలను ఏఐతో తయారు చేయకుండా నిబంధనలు విధించినట్లు నివేదికలు పేర్కొంటున్నాయి. ఏఐ రూపొందించిన సమాచారాన్నే పదేపదే శిక్షణకు ఉపయోగిస్తే ‘మోడల్‌ కొలాప్స్‌’కు దారితీసే అవకాశం ఉందని పరిశోధనలు చెబుతున్నాయి. అలా జరిగితే మోడళ్లు అసలు డేటాలోని వైవిధ్యాన్ని కోల్పోయి, కాలక్రమేణా తక్కువ వైవిధ్యంతో కూడిన లేదా తప్పులతో కూడిన ఫలితాలను ఇవ్వవచ్చని నిపుణులు హెచ్చరిస్తున్నారు.