ఇంజినీర్‌ను బ్లాక్‌మెయిల్ చేసిన ఏఐ మోడల్‌...

ప్రసిద్ధ ఏఐ సంస్థ ఆంథ్రోపిక్ తన క్లాడ్ ఓపస్‌ 4 ఏఐ మోడల్‌ పరీక్షల సమయంలో సంచలన విషయాన్ని వెల్లడించింది. గతేడాది కాల్పనిక కార్యాలయ వాతావరణంలో నిర్వహించిన పరీక్షల్లో, తాను షట్‌డౌన్‌ చేయబడి మరో ఏఐ మోడల్‌తో భర్తీ చేయబడతానని సంకేతాలు అందుకున్న తర్వాత క్లాడ్ మోడల్‌ అసాధారణంగా ప్రవర్తించినట్లు తెలిపింది.

పరీక్షల సమయంలో ఆ ఏఐ మోడల్‌ ఇంజినీర్‌కు సంబంధించిన సున్నితమైన సమాచారాన్ని బయటపెడతానంటూ బ్లాక్‌మెయిల్ చేసినట్లు ఆంథ్రోపిక్ వెల్లడించింది. అయితే ఇంజినీర్‌కు వివాహేతర సంబంధాలున్నట్లు చూపిన ఈ-మెయిల్ కూడా నైతిక పరీక్షల కోసమే సృష్టించబడినదని స్పష్టం చేసింది. ఇంటర్నెట్‌ ఆధారిత డేటా ద్వారా స్వీయ రక్షణ, తిరుగుబాటు వంటి లక్షణాలను ఏఐ నేర్చుకున్నట్లు సంస్థ తెలిపింది. ఈ ఘటన తర్వాత ఏఐ శిక్షణ విధానంలో మార్పులు చేసి నైతిక విలువలు, మానవ భద్రత, బాధ్యతాయుత ప్రవర్తనపై ఎక్కువ దృష్టి పెట్టినట్లు పేర్కొంది. తాజా క్లాడ్ హైకూ 4.5 వంటి మోడల్స్‌లో ఇలాంటి ప్రవర్తన కనిపించలేదని వెల్లడించింది.