ఐసీసీ జనరల్ మేనేజర్ పదవి నుంచి వాసిమ్ ఖాన్ రాజీనామా

పాకిస్థాన్ క్రికెట్ బోర్డు మాజీ సీఈఓ వాసిమ్ ఖాన్, అంతర్జాతీయ క్రికెట్ కౌన్సిల్ (ఐసీసీ) జనరల్ మేనేజర్ పదవికి రాజీనామా చేశారు. 2022లో జెఫ్ అలర్‌డైస్ నుంచి బాధ్యతలు స్వీకరించిన ఆయన, ఈ పదవిలో నాలుగేళ్లపాటు పనిచేశారు. ఐసీసీ బాధ్యతలు చేపట్టక ముందు, వసీం ఖాన్ పీసీబీ సీఈఓగా మూడేళ్లపాటు పనిచేశారు. ఆయన రాజీనామా చేసినప్పటికీ, సమీప భవిష్యత్తులో మరో కీలక పదవిని చేపట్టవచ్చని క్రికెట్ వర్గాలు సూచిస్తున్నాయి.

గత రెండేళ్లలో, ఐసీసీలో అనేక ప్రధాన మార్పులు చోటుచేసుకున్నాయి. ఉన్నత స్థాయి అధికారులు తమ పదవుల నుంచి వైదొలిగారు. అలర్‌డైస్‌తో పాటు, అవినీతి నిరోధక విభాగం అధికారులు క్రిస్ టెట్లీ, అలెక్స్ మార్షల్ కూడా రాజీనామా చేశారు. వారి స్థానంలో గౌరవ్ సక్సేనా, ఆండ్రూ నియమితులయ్యారు. వసీం ఖాన్ ఇంగ్లాండ్‌లో జన్మించి, అక్కడే తన క్రికెట్ కెరీర్‌ను ప్రారంభించడం గమనార్హం. పాకిస్తానీ మూలాలు ఉన్నప్పటికీ, ఆయన అంతర్జాతీయ క్రికెట్‌లో పాకిస్థాన్‌కు ప్రాతినిధ్యం వహించలేదు, కానీ పీసీబీ సీఈఓగా కీలక పరిపాలనా పాత్ర పోషించారు.