కివీస్ కు భారీ టార్గెట్ విధించిన టీమ్ ఇండియా...

భారత్–న్యూజిలాండ్ మధ్య జరిగిన టీ20 మ్యాచ్‌లో భారత జట్టు నిర్ణీత 20 ఓవర్లలో 7 వికెట్ల నష్టానికి 238 పరుగులు చేసింది. ఈ ఇన్నింగ్స్‌కు ప్రధాన ఆకర్షణగా అభిషేక్ శర్మ నిలిచాడు. అతడు కేవలం 35 బంతుల్లోనే 84 పరుగులు చేసి (5 ఫోర్లు, 8 సిక్సర్లు) మ్యాచ్‌ను పూర్తిగా భారత్ వైపు తిప్పాడు. కెప్టెన్ సూర్యకుమార్ యాదవ్ 32 పరుగులు చేయగా, హార్దిక్ పాండ్యా 25 పరుగులతో మద్దతిచ్చాడు. చివర్లో రింకు సింగ్ 20 బంతుల్లో అజేయంగా 44 పరుగులు చేసి స్కోర్‌ను భారీగా తీసుకెళ్లాడు.

భారత ఇన్నింగ్స్‌లో సంజూ శాంసన్ 10, ఇషాన్ కిషన్ 8, శివమ్ దూబే 9, అక్షర్ పటేల్ 5 పరుగులు చేశారు. అర్షదీప్ సింగ్ 6 పరుగులతో నాటౌట్‌గా నిలిచాడు. ఎక్స్‌ట్రాల రూపంలో భారత్‌కు 15 పరుగులు లభించాయి. న్యూజిలాండ్ బౌలర్లలో జేమీసన్, జాకబ్ డఫీ కీలక వికెట్లు తీశారు. భారత్ నిర్దేశించిన లక్ష్యాన్ని చేరుకోవాలంటే న్యూజిలాండ్‌కు 239 పరుగులు అవసరం. భారీ లక్ష్యంతో చేజింగ్ ప్రారంభించనున్న కివీస్‌పై ఒత్తిడి స్పష్టంగా కనిపిస్తోంది.

ఈ స్కోర్‌తో భారత్ న్యూజిలాండ్‌పై టీ20 అంతర్జాతీయాల్లో మూడో అత్యధిక స్కోర్ నమోదు చేసింది. న్యూజిలాండ్‌పై అత్యధిక టీ20 స్కోర్లు చూస్తే 2018లో ఆక్లాండ్‌లో ఆస్ట్రేలియా 245/5, 2019లో నాపియర్‌లో ఇంగ్లాండ్ 241/3, 2026లో నాగ్‌పూర్‌లో భారత్ 238/7, 2025లో క్రైస్ట్‌చర్చ్‌లో ఇంగ్లాండ్ 236/4, 2023లో అహ్మదాబాద్‌లో భారత్ 234/4 పరుగులు చేశాయి. ఈ జాబితాలో భారత్ మరోసారి తన దూకుడు బ్యాటింగ్ సత్తాను చాటుకుంది.