

భారత మాజీ కెప్టెన్ రోహిత్ శర్మ ప్రస్తుతం హోస్ట్గా వ్యవహరిస్తున్న కార్యక్రమంలో తన క్రికెట్ ప్రయాణంలోని మధుర జ్ఞాపకాలను పంచుకున్నాడు. తాజాగా ఓ ఎపిసోడ్లో తన తొలి టీమ్ఇండియా ఎంపిక గురించి ఆసక్తికర విషయాలను వెల్లడించాడు. బెంగళూరులో ఉన్న సమయంలో భారత జట్టుకు ఎంపిక చేసే ప్రక్రియ కొనసాగుతోందని తెలిసి, బీసీసీఐ నుంచి వచ్చే ఫోన్ కాల్ కోసం ఎంతో ఆత్రుతగా ఎదురుచూశానని గుర్తుచేసుకున్నాడు. సాయంత్రం సమయంలో వచ్చిన కాల్లో జట్టుకు ఎంపికైనట్లు తెలియగానే ఆనందంతో ఉక్కిరిబిక్కిరి అయ్యానని, ఒక్కసారిగా ఎగిరి గంతేశానని చెప్పాడు. ఆ తర్వాత తన తల్లిదండ్రులకు ఈ శుభవార్తను తెలియజేయగా, వారు ఎంతో సంతోషించారని రోహిత్ తెలిపాడు.
వాంఖడే స్టేడియంలో తన పేరిట స్టాండ్ ఏర్పాటు చేయడం కూడా జీవితంలో మరిచిపోలేని అనుభూతి అని రోహిత్ పేర్కొన్నాడు. చిన్నప్పటి నుంచి ఆ మైదానంలో ఆడాలని కలలు కన్న తనకు, అదే స్టేడియంలో తన పేరుతో స్టాండ్ ఏర్పాటు కావడం ఎంతో ప్రత్యేకమని చెప్పాడు. స్టాండ్ ఆవిష్కరణ సమయంలో తన తండ్రి పక్కనే ఉన్నప్పటికీ భావోద్వేగంతో ఒక్క మాట కూడా మాట్లాడలేదని, ఆ తర్వాత రోజు తన మనసులోని భావాలను పంచుకున్నారని వెల్లడించాడు. టీమ్ఇండియాకు తొలిసారి ఎంపిక కావడం, వాంఖడేలో తన పేరిట స్టాండ్ ఏర్పాటు కావడం.. ఈ రెండు సందర్భాలు తన తల్లిదండ్రులకు ఎంతో గర్వకారణమని రోహిత్ గుర్తుచేసుకున్నాడు.




















కామెంట్స్ (0)
ఇప్పటికి కామెంట్స్ లేవు
మొదటిగా కామెంట్ చేయండి!