ఐపీఎల్ 2026లో ఆర్సీబీ సత్తా… నాలుగో విజయం నమోదు!

డిఫెండింగ్ ఛాంపియన్ రాయల్ ఛాలెంజర్స్ బెంగళూరు ఐపీఎల్ 2026లో అద్భుత ప్రదర్శన కొనసాగిస్తోంది. ఐదు మ్యాచ్‌ల్లో నాలుగు విజయాలు సాధించి పాయింట్ల పట్టికలో అగ్రస్థానానికి చేరుకుంది. బ్యాటింగ్, బౌలింగ్ విభాగాల్లో సమతూకంగా రాణిస్తూ, బెంగళూరులో లఖ్‌నవూపై వరుసగా మూడో విజయాన్ని నమోదు చేసింది. ఈ మ్యాచ్‌లో క్రమశిక్షణతో బౌలింగ్ చేసిన ఆస్ట్రేలియా పేసర్ జోష్ హేజిల్‌వుడ్ ప్లేయర్ ఆఫ్ ది మ్యాచ్ అవార్డు అందుకున్నాడు.

ఈ సీజన్‌లో ఆర్సీబీ తరఫున ఇప్పటివరకు ఇచ్చిన నాలుగు ప్లేయర్ ఆఫ్ ది మ్యాచ్ అవార్డులన్నీ విదేశీ ఆటగాళ్లకే దక్కడం విశేషం. జేకబ్ డఫీ (సన్‌రైజర్స్‌పై), టిమ్ డేవిడ్ (చెన్నైపై), ఫిల్ సాల్ట్ (ముంబయిపై), హేజిల్‌వుడ్ (లఖ్‌నవూపై) అవార్డులు గెలుచుకున్నారు. 2025 నుంచి ఇప్పటివరకు ఆర్సీబీ తరఫున 10 మంది భిన్న ఆటగాళ్లు ఈ అవార్డును అందుకోవడం ప్రత్యేకత. హేజిల్‌వుడ్ తన విజయానికి లైన్ అండ్ లెంగ్త్ క్రమశిక్షణ, గాయాల తర్వాత పునరాగమనం, అలాగే భువనేశ్వర్ కుమార్ వంటి సహచరుల సహకారమే కారణమని పేర్కొన్నాడు.