టీ20 వరల్డ్ కప్ లో ఇండియా బోణి, యూఎస్ఏ పై ఘన విజయం

ICC మెన్స్ టీ20 వరల్డ్ కప్ 2026 గ్రూప్ Aలో జరిగిన మూడో మ్యాచ్‌లో టీమిండియా అమెరికాపై 29 పరుగుల తేడాతో విజయం సాధించింది. ముందుగా బ్యాటింగ్ చేసిన భారత్ 20 ఓవర్లలో 9 వికెట్లు కోల్పోయి 161 పరుగులు చేసింది. సూర్యకుమార్ యాదవ్ అద్భుతంగా చెలరేగి 49 బంతుల్లో 84 పరుగులు (10 ఫోర్లు, 4 సిక్సులు) చేసి జట్టును పోరాట స్కోర్‌కు చేర్చాడు. తిలక్ వర్మ (25), ఇషాన్ కిషన్ (20) కీలకంగా సహకరించారు. అమెరికా బౌలర్లలో షాక్‌విక్ 4 వికెట్లతో మెరిశాడు.

162 పరుగుల లక్ష్యంతో బరిలోకి దిగిన యూఎస్‌ఏ 20 ఓవర్లలో 8 వికెట్లు కోల్పోయి 132 పరుగులకే పరిమితమైంది. మిలింద్ (34), సంజయ్ (37), శుభం (37) పోరాడినా ఫలితం లేకపోయింది. భారత బౌలర్లలో సిరాజ్ 3 వికెట్లు తీయగా, అక్షర్ పటేల్, అర్ష్‌దీప్ సింగ్ తలో 2 వికెట్లు, వరుణ్ ఒక వికెట్ పడగొట్టారు. సమిష్టి ప్రదర్శనతో టీమిండియా కీలక విజయం నమోదు చేసింది.