జనరల్
12, జులై 2026, ఆదివారం
ఇంగ్లాండ్తో జరిగిన టీ20 సిరీస్లో ఘోర పరాజయాన్ని చవిచూసిన టీమిండియా ఇప్పుడు మూడు వన్డేల సిరీస్పై పూర్తి దృష్టి సారించింది. ఈ నేపథ్యంలో బీసీసీఐ జట్టులో రెండు కీలక మార్పులను ప్రకటించింది. గాయాల కారణంగా హర్షిత్ రాణా, వరుణ్ చక్రవర్తి జట్టుకు దూరమవగా, వారి స్థానాల్లో ప్రిన్స్ యాదవ్, రవి బిష్ణోయ్లను ఎంపిక చేసింది. ఈ ఇద్దరూ ఇప్పటికే ఇంగ్లాండ్లో ఉండి జట్టుతో కలిసి వన్డే సిరీస్కు సిద్ధమవుతున్నారు.
మరోవైపు సీనియర్ ఆటగాళ్లు విరాట్ కోహ్లీ, రోహిత్ శర్మ జట్టులోకి తిరిగి రావడంతో వన్డే సిరీస్పై అభిమానుల్లో భారీ అంచనాలు నెలకొన్నాయి. టీ20 సిరీస్లో పూర్తి ఆధిపత్యం చెలాయించిన ఇంగ్లాండ్కు ఈసారి గట్టి పోటీ ఇవ్వాలని భారత్ భావిస్తోంది. వన్డే ఫార్మాట్లో టీమిండియా పుంజుకుని విజయంతో సిరీస్ను ఆరంభిస్తుందా అనే ఆసక్తి సర్వత్రా నెలకొంది.
కామెంట్స్ (0)
ఇప్పటికి కామెంట్స్ లేవు
మొదటిగా కామెంట్ చేయండి!