భారీ ఆధిక్యంలో ఇండియా ఉమెన్ టీం

ఇంగ్లండ్‌తో జరుగుతున్న ఏకైక టెస్ట్ మ్యాచ్‌లో భారత మహిళల జట్టు భారీ ఆధిక్యంలో నిలిచింది. యువ పేసర్ క్రాంతి గౌడ్ కెరీర్‌లో తొలిసారి ఐదు వికెట్ల ప్రదర్శన చేయగా, స్మృతీ మంధాన మరో అర్ధ శతకంతో జట్టుకు అండగా నిలిచింది. క్రాంతి అద్భుత బౌలింగ్‌తో ఇంగ్లండ్ తొలి ఇన్నింగ్స్‌ను 170 పరుగులకే కుప్పకూల్చింది.

రెండో ఇన్నింగ్స్‌లో స్మృతీ మంధాన 69 పరుగులతో నాటౌట్‌గా నిలవగా, యాస్తికా భాటియా 39, షఫాలీ వర్మ 33 పరుగులతో రాణించారు. దీంతో భారత్ 154/1 స్కోరుతో ఇన్నింగ్స్‌ను కొనసాగిస్తోంది. తొలి ఇన్నింగ్స్‌లో సాధించిన 115 పరుగుల ఆధిక్యంతో కలిపి భారత్ మొత్తం 269 పరుగుల ఆధిక్యాన్ని సాధించింది. ఇంగ్లండ్ తరఫున అమీ జోన్స్ 52, కెప్టెన్ నాట్ స్కివర్ బ్రంట్ 44 పరుగులు చేసినా, భారత బౌలర్ల ధాటికి జట్టు భారీ స్కోరు చేయలేకపోయింది.