విశాఖ లో భారత్ జోరు... శ్రీలంక పై వరుసగా రెండో టీ20 విజయం

వన్డే ప్రపంచకప్‌ లో ఓటములు ఎదురైన విశాఖ వేదిక పైనే భారత మహిళల జట్టు ఇప్పుడు శ్రీలంక పై వరుసగా రెండు టీ20ల్లో ఘన విజయాలు సాధించింది. మంగళవారం జరిగిన రెండో టీ20 లో భారత్ 7 వికెట్ల తేడాతో గెలిచింది.

మొదట బ్యాటింగ్ చేసిన శ్రీలంక 20 ఓవర్లలో 128 పరుగులకే పరిమితమైంది. శ్రీ చరణి, వైష్ణవి శర్మ, స్నేహ్ రాణా బౌలింగ్‌లో రాణించారు. లక్ష్య ఛేదనలో షెఫాలి వర్మ 69 నాటౌట్‌తో జట్టును సులువుగా గెలిపించింది.

ఈ సిరీస్‌తో భారత జట్టు ఆత్మవిశ్వాసం పెరిగింది. మరోవైపు దీప్తి శర్మ మహిళల టీ20 బౌలర్ల ర్యాంకింగ్స్‌లో కెరీర్‌లో తొలిసారి నంబర్‌వన్ స్థానానికి చేరింది.