మిథాలీ రాజ్ రికార్డును సమం చేసిన హర్మన్ ప్రీత్ కౌర్

టీమిండియా మహిళల జట్టు కెప్టెన్ హర్మన్‌ప్రీత్ కౌర్ మరో కీలక రికార్డును సమం చేసింది. శ్రీలంకతో జరిగిన ఐదు టీ20 ల సిరీస్‌లో భాగంగా చివరి మ్యాచ్ తిరువనంతపురంలో జరిగింది. ఈ మ్యాచ్‌లో హర్మన్‌ప్రీత్ కౌర్ 68 పరుగులు చేసి అద్భుతంగా ఆడింది. మిగతా బ్యాటర్లు ఎక్కువ సేపు క్రీజులో నిలబడలేకపోయినా, హర్మన్ ఒంటరిగా జట్టును ముందుకు నడిపించి హాఫ్ సెంచరీ సాధించింది. ఆమె ప్రదర్శనకు ప్లేయర్ ఆఫ్ ది మ్యాచ్ అవార్డు లభించింది.

ఈ అవార్డుతో హర్మన్‌ప్రీత్ కౌర్, టీమిండియా మహిళల మాజీ స్టార్ బ్యాటర్ మిథాలీ రాజ్ రికార్డును సమం చేసింది. మిథాలీ రాజ్ తన టీ20 కెరీర్‌లో మొత్తం 12 సార్లు ప్లేయర్ ఆఫ్ ది మ్యాచ్ అవార్డులు గెలుచుకుంది. తాజా మ్యాచ్‌తో హర్మన్‌ప్రీత్ కూడా 12 సార్లు ఈ అవార్డు అందుకుని మిథాలీ రికార్డును చేరుకుంది.

మిథాలీ రాజ్ 1999 నుంచి 2022 వరకు 23 సంవత్సరాల పాటు టీమిండియాకు ప్రాతినిధ్యం వహించింది. ఆమె 89 టీ20 మ్యాచ్‌లు ఆడి, 2,364 పరుగులు చేసింది. హర్మన్‌ప్రీత్ కౌర్ ఇప్పటివరకు 187 టీ20 మ్యాచ్‌లు ఆడి, 3,784 పరుగులు సాధించింది. ఈ క్రమంలో మిథాలీ రాజ్ రికార్డును హర్మన్‌ప్రీత్ సమం చేయడం విశేషంగా నిలిచింది.