చెస్‌ ఒలింపియాడ్‌లో భారత జట్ల జోరు..

డిఫెండింగ్‌ చాంపియన్లుగా బరిలోకి దిగిన భారత పురుషుల, మహిళల జట్లు చెస్‌ ఒలింపియాడ్‌లో జోరు కొనసాగిస్తున్నాయి. శనివారం జరిగిన నాలుగో రౌండ్‌లోనూ రెండు జట్లు విజయాలు సాధించాయి. పురుషుల జట్టు 3-1తో స్పెయిన్‌ను ఓడించింది. అర్జున్‌ ఎరిగైసి, డి. గుకేష్‌ తమ గేమ్‌ల్లో విజయం సాధించగా.. ఆర్‌. ప్రజ్ఞానంద, నిహాల్‌ సరిన్‌ తమ ప్రత్యర్థులతో డ్రా చేసుకున్నారు. దీంతో భారత్‌ వరుసగా నాలుగో విజయాన్ని నమోదు చేసింది.

మహిళల జట్టు కూడా మంగోలియాపై 3-1తో విజయం సాధించింది. సావిత్రి శ్రీ, దివ్యా దేశ్‌ముఖ్‌ తమ గేమ్‌ల్లో గెలుపొందగా.. కోనేరు హంపి, ఆర్‌. వైశాలీ ప్రత్యర్థులతో డ్రా చేసుకున్నారు. దీంతో పురుషుల, మహిళల రెండు భారత జట్లు నాలుగు రౌండ్ల అనంతరం వరుస విజయాలతో తమ టైటిల్‌ రక్షణను బలంగా కొనసాగిస్తున్నాయి.