చెన్నై లో బిగ్ బాష్ లీగ్ ఓపెనింగ్!

చెన్నైలోని ఎంఏ చిదంబరం స్టేడియం (చెపాక్) 2026 డిసెంబర్‌లో జరగనున్న బిగ్ బాష్ లీగ్ (BBL) 2026–27 సీజన్ ప్రారంభ మ్యాచ్‌కు ఆతిథ్యం ఇవ్వనుంది. ఇది BBL చరిత్రలో తొలిసారి విదేశాల్లో జరగనున్న ఓపెనింగ్ మ్యాచ్‌గా నిలవనుంది. ఈ ప్రతిపాదనకు బీసీసీఐ, తమిళనాడు క్రికెట్ అసోసియేషన్ (TNCA) ఆమోదం తెలిపాయి.

పెర్త్ స్కార్చర్స్, సిడ్నీ థండర్, మెల్‌బోర్న్ స్టార్స్, మెల్‌బోర్న్ రెనిగేడ్స్ వంటి జట్లు ఈ మ్యాచ్‌లో పాల్గొనే అవకాశం ఉంది. బీసీసీఐ నిబంధనల కారణంగా భారత క్రియాశీల ఆటగాళ్లు ఇందులో ఆడరు. అయినప్పటికీ, భారత్–ఆస్ట్రేలియా క్రికెట్ సంబంధాలను మరింత బలోపేతం చేయడమే ఈ నిర్ణయ లక్ష్యమని భావిస్తున్నారు.