అండర్ 19 టీమ్ కు బీసీసీఐ నజరానా

భారత అండర్ 19 క్రికెట్ జట్టు అద్భుత ప్రదర్శనకు గుర్తింపుగా భారత క్రికెట్ నియంత్రణ మండలి (బీసీసీఐ) రూ.7.5 కోట్ల ప్రైజ్ మనీని ప్రకటించింది. టోర్నమెంట్ అంతటా జట్టు చూపిన స్థిరత్వం, క్రమశిక్షణ, పోరాట స్పూర్తిని అభినందిస్తూ ఈ నిర్ణయం తీసుకున్నట్లు బీసీసీఐ వెల్లడించింది.

నిన్న జరిగిన ఫైనల్‌లో ఇంగ్లాండ్‌ను ఓడించి భారత్ టైటిల్‌ను సొంతం చేసుకుంది. సమిష్టి ఆటతీరుతో టీమ్ ఇండియా ఘన విజయం సాధించి దేశానికి గర్వకారణమైంది. యువ ఆటగాళ్లు మరియు సహాయక సిబ్బంది కృషిని ప్రశంసించిన బీసీసీఐ, ఈ నజరానా భవిష్యత్ క్రికెటర్లకు మరింత ప్రోత్సాహం ఇస్తుందని పేర్కొంది.