ఆసియా క్రీడలు 2026: జపాన్‌లో టీ20 సమరానికి సిద్ధమైన భారత పురుషుల జట్టు

ఆసియా క్రీడల్లో 2010 నుంచి క్రికెట్‌ భాగంగా ఉంది. అయితే 2010, 2014 ఆసియా క్రీడల్లో భారత్‌ పాల్గొనలేదు. 2018 జకార్తా ఆసియా క్రీడల్లో క్రికెట్‌కు చోటు దక్కలేదు. 2022లో హాంగ్‌జౌలో జరిగిన ఆసియా క్రీడల్లో భారత్‌ తొలిసారి క్రికెట్‌లో బరిలోకి దిగింది. పురుషుల విభాగంలో ఫైనల్‌ వర్షం కారణంగా రద్దు కావడంతో భారత్‌ విజేతగా నిలిచి స్వర్ణ పతకం సాధించింది. 2010లో బంగ్లాదేశ్‌, 2014లో శ్రీలంక స్వర్ణం గెలిచాయి. ఇప్పటివరకు జరిగిన మూడు ఎడిషన్లలో అఫ్గానిస్థాన్‌ ఫైనల్‌కు చేరి ప్రతిసారీ రజత పతకం సాధించింది. ఆసియా క్రీడల్లో క్రికెట్‌ మ్యాచ్‌లు టీ20 ఫార్మాట్‌లో జరుగుతాయి.

2026 ఐచి-నాగోయా ఆసియా క్రీడల్లో భారత పురుషుల క్రికెట్‌ జట్టుకు శ్రేయస్‌ అయ్యర్‌ నాయకత్వం వహించనున్నాడు. క్వార్టర్‌ఫైనల్‌ దశ నుంచి భారత్‌ తన పోటీని ప్రారంభించనుండగా, తొలి మ్యాచ్‌ సెప్టెంబర్‌ 28న జరగనుంది. తుది జట్టులో శ్రేయస్‌ అయ్యర్‌, తిలక్‌ వర్మ, సంజూ శాంసన్‌, ఇషాన్‌ కిషన్‌, అభిషేక్‌ శర్మ, వైభవ్‌ సూర్యవంశీ, శివమ్‌ దూబె, అక్షర్‌ పటేల్‌, వాషింగ్టన్‌ సుందర్‌, అర్ష్‌దీప్‌ సింగ్‌, జస్‌ప్రీత్‌ బుమ్రా, విప్రాజ్‌ నిగమ్‌, రవి బిష్ణోయ్‌, యశ్‌ ఠాకూర్‌ ఉన్నారు. వరుణ్‌ చక్రవర్తి స్థానంలో విప్రాజ్‌ నిగమ్‌, హర్షిత్‌ రాణా స్థానంలో యశ్‌ ఠాకూర్‌ను ఎంపిక చేసినట్లు బీసీసీఐ వెల్లడించింది.