ఆసియా కప్ సెమీ ఫైనల్: సూపర్ ఓవర్‌లో భారత్-ఏ కు షాకింగ్ ఓటమి

దోహాలో జరిగిన ఏసీసీ మెన్స్ ఆసియా కప్ రైజింగ్ స్టార్స్ 2025 తొలి సెమీఫైనల్లో భారత్-ఏ జట్టు బంగ్లాదేశ్-ఏ చేతిలో సూపర్ ఓవర్లో ఓటమి చెందింది.

టాస్ గెలిచిన భారత్-ఏ ఫీల్డింగ్ ఎంచుకుంది. ఆరంభంలో భారత బౌలర్లు బంగ్లా బ్యాట్స్‌మెన్‌ను అదుపులో పెట్టినప్పటికీ, చివరి ఐదు ఓవర్లలో బంగ్లాదేశ్ భారీగా 75 పరుగులు చేసి ఇన్నింగ్స్‌ను 194/6 వద్ద ముగించింది. రహ్మాన్ 65, మెహరోబ్ 48 నాటౌట్తో రాణించారు.

195 పరుగుల లక్ష్యంతో బరిలోకి దిగిన భారత్-ఏకి వైభవ్ సూర్యవంశి 15 బంతుల్లో 38 పరుగులతో శుభారంభం ఇచ్చాడు. నీహల్ వాధేరా కూడా 32 పరుగులతో సహకరించాడు.

చివరి ఓవర్‌లో అక్బర్ అలీ రన్‌ఔట్ అవకాశాన్ని చేజార్చడంతో మ్యాచ్ సూపర్ ఓవర్‌కు చేరింది.

అయితే సూపర్ ఓవర్‌లో భారత్-ఏ పూర్తిగా కుప్పకూలింది. రిపాన్ మొండల్ మొదటి బంతికే క్యాప్టెన్ జితేష్ శర్మను అద్భుత యార్కర్‌తో బౌల్డ్ చేశాడు. రెండో బంతికి అశుతోష్ శర్మను క్యాచ్ ఔట్ చేసి భారత్‌ను శూన్య పరుగులకే ఆపేశాడు.

బంగ్లాదేశ్ బ్యాటింగ్‌లో సుయాష్ శర్మ మొదటి బంతికి యాసిర్ అలీని ఔట్ చేసినప్పటికీ, రెండో బంతి వైడ్ కావడంతో బంగ్లా-ఏ 1 పరుగుతో ఫైనల్‌లోకి దూసుకెళ్లింది.

ఈ ఓటమి భారత్-ఏ జట్టుకు నిజంగా షాకింగ్ ఎగ్జిట్ అని చెప్పొచ్చు.