దక్షిణాఫ్రికాపై టీమ్ ఇండియా అద్భుత విజయం! 2-1 తో వన్డే సిరీస్ కైవసం

దక్షిణాఫ్రికాతో జరిగిన చివరి వన్డేలో టీమ్ ఇండియా అద్భుతమైన ఆల్‌రౌండ్ ప్రదర్శనతో 9 వికెట్ల తేడాతో ఘన విజయాన్ని సాధించింది. ముందుగా బ్యాటింగ్ చేసిన సఫారీలు 270 పరుగుల మందగమన స్కోర్ మాత్రమే నమోదు చేశారు. భారత బౌలర్లు మధ్య మధ్యలో కీలక వికెట్లు తీసి ప్రత్యర్థిపై ఒత్తిడిని కొనసాగించారు. అనంతరం టార్గెట్‌ ఛేదనలో భారత ఓపెనర్లు అద్భుతంగా రాణించారు. రోహిత్ శర్మ 75 పరుగులతో ధీటుగా ఆడగా, యువ ఓపెనర్ యశస్వి జైస్వాల్ 116 పరుగులతో భారత ఇన్నింగ్స్‌కు శక్తినిచ్చాడు. ఈ జంట మొదటి వికెట్‌కు 155 పరుగుల భారీ భాగస్వామ్యాన్ని నమోదు చేసి జట్టు విజయానికి బలమైన పునాది వేసింది.

హిట్‌మ్యాన్ రోహిత్ ఔటైన తర్వాత క్రీజులోకి వచ్చిన విరాట్ కోహ్లీ పూర్తిస్థాయి స్థిరత్వాన్ని చూపిస్తూ 65 పరుగులు చేసి జైస్వాల్‌తో కలిసి  భారత్ ను విజయతీరాలకు చేర్చాడు. ఇద్దరూ కలిసి దక్షిణాఫ్రికా బౌలర్లను ఏ దశలోనూ మ్యాచ్‌లోకి రానివ్వలేదు. లక్ష్యాన్ని ఇంకా 10.1 ఓవర్లు మిగిలి ఉండగానే ఛేదించిన టీమ్ ఇండియా సిరీస్‌ను 2-1 తేడాతో కైవసం చేసుకుంది. ఈ విజయం బ్యాటింగ్‌లో దూకుడు, బౌలింగ్‌లో క్రమశిక్షణ, ఫీల్డింగ్‌లో చురుకుదనం మూడు విభాగాల్లో భారత జట్టు ఉన్న శక్తిని మరోసారి నిరూపించింది.