ఐపీఎల్ 2026: వైభవ్ క్యాప్ పై ఆటోగ్రాఫ్ ఇచ్చిన కింగ్ కోహ్లీ

ఐపీఎల్ 2026 సీజన్‌లో కేవలం 15 సంవత్సరాల వయస్సు కలిగిన వైభవ్ సూర్యవంశి తన అద్భుత ఆటతో అందరి దృష్టిని ఆకర్షిస్తున్నాడు. గువాహటి లో జరిగిన మ్యాచ్‌లో రాయల్ ఛాలెంజర్స్ బెంగళూరు బౌలర్లపై అతను చూపించిన ధాటిగా ఆట ఎంతో ప్రశంసలు పొందింది. ఈ ప్రదర్శనకు విరాట్ కోహ్లీ కూడా ఆకర్షితుడయ్యాడు.

202 పరుగుల లక్ష్యాన్ని చేధించే క్రమంలో వైభవ్ కేవలం 26 బంతుల్లోనే 78 పరుగులు చేసి జట్టుకు విజయం అందించాడు. మ్యాచ్ అనంతరం కోహ్లీ అతన్ని కలసి అభినందించాడు. వైభవ్ తన టోపీపై సంతకం ఇవ్వమని అడగగా, కోహ్లీ సంతోషంగా సంతకం చేసి “డియర్ వైభవ్, వెల్ డన్” అని సందేశం రాశాడు. ఈ సంఘటన సామాజిక మాధ్యమాల్లో వైరల్‌గా మారింది.

ఈ ప్రదర్శనతో వైభవ్ అత్యధిక పరుగులు చేసిన ఆటగాడిగా నిలిచి ఆరెంజ్ క్యాప్‌ను సొంతం చేసుకున్నాడు. అతి తక్కువ వయస్సులో ఈ ఘనత సాధించి రికార్డు సృష్టించాడు. అతని ఆటతో పాటు అతని వినయం కూడా అందరిని ఆకట్టుకుంటోంది. హార్దిక్ పాండ్యా వంటి ఆటగాళ్లు కూడా అతని ప్రతిభను ప్రశంసించారు.