విదేశీ గడ్డపై చరిత్ర సృష్టించిన అనిమేశ్ కుజుర్..

భారత స్ప్రింటింగ్ సంచలనం అనిమేశ్ కుజుర్ మరో అరుదైన ఘనతను తన ఖాతాలో వేసుకున్నాడు. పుమా ఫాస్ట్ ఆర్మ్స్–ఫాస్ట్ లెగ్స్ 2026 అథ్లెటిక్స్ మీట్‌లో జరిగిన పురుషుల 100 మీటర్ల ఫైనల్‌ను కేవలం 10.14 సెకన్లలో పూర్తి చేసి విదేశీ గడ్డపై భారత అథ్లెట్ నమోదు చేసిన అత్యంత వేగవంతమైన సమయాన్ని నమోదు చేశాడు. ఈ ప్రదర్శనతో భారత అథ్లెటిక్స్ చరిత్రలో మరో మైలురాయిని సృష్టించడమే కాకుండా తన వ్యక్తిగత అత్యుత్తమ ప్రదర్శనను కూడా నమోదు చేశాడు.

అనిమేశ్ కుజుర్ నమోదు చేసిన 10.14 సెకన్ల టైమ్ భారత పురుషుల 100 మీటర్ల చరిత్రలో రెండో అత్యుత్తమ ప్రదర్శనగా నిలిచింది. ప్రస్తుతం ఈ జాబితాలో గురీందర్‌వీర్ సింగ్ 10.09 సెకన్లతో అగ్రస్థానంలో ఉన్నారు. అంతర్జాతీయ వేదికపై భారత స్ప్రింటింగ్ స్థాయిని మరో మెట్టు ఎక్కించిన అనిమేశ్ విజయాన్ని క్రీడా వర్గాలు ప్రశంసిస్తున్నాయి.