బిజినెస్
విడుదల తేదీ: అక్టోబర్ 24, 2025
వేదిక: నెట్ఫ్లిక్స్
రేటింగ్: 2.75/5
దర్శకుడు: ఉజాన్ గంగూలీ
నిర్మాతలు: అలోక్ జైన్, అను సిక్కా, అజిత్ అంధారే
సంగీతం: సిమాబ్ సేన్
యానిమేషన్ స్టూడియో: హై-టెక్ యానిమేషన్
సారాంశం:
నెట్ఫ్లిక్స్లో కురుక్షేత్ర సీజన్ 2 తెలుగు డబ్బింగ్లో అందుబాటులోకి వచ్చింది. మొదటి సీజన్లో వచ్చిన 9 ఎపిసోడ్స్ తర్వాత, ఈ సీజన్లో మిగిలిన 9 ఎపిసోడ్స్తో మొత్తం 18 రోజుల మహా సంగ్రామం పూర్తవుతుంది.
కథ:
ద్రోణాచార్యుడి మరణం తర్వాత కౌరవ పక్షానికి కొత్త సైన్యాధ్యక్షుడిని నియమించే ప్రక్రియ నుండి కథ కొనసాగుతుంది. భీముడు, కర్ణుడు, అశ్వత్థామ మధ్య జరిగే పోరాటాలు, శ్రీకృష్ణుడు చెప్పిన ధర్మం, కర్మఫలితాలు, యుద్ధం తర్వాత పరిస్థితులు — ఇవన్నీ ఈ సీజన్లో ప్రధానంగా చూపించారు.
ప్లస్ పాయింట్లు:
ఈ సీజన్లో కుంతి, కర్ణ, భీమ, అశ్వత్థామ ఎపిసోడ్స్ చాలా బాగా తెరకెక్కించారు. ముఖ్యంగా యుద్ధం తర్వాతి స్త్రీ పర్వం ఎపిసోడ్లో భావోద్వేగం, డైలాగ్స్ బాగా కనెక్ట్ అవుతాయి.
శ్రీకృష్ణుడి పాత్రకు సంబంధించిన సన్నివేశాలు, గ్రాండ్ విజువల్స్ మళ్ళీ ఒక మంచి విజువల్ ఎక్స్పీరియెన్స్ను ఇస్తాయి.
సాంకేతిక పరంగా:
సంగీతం, యాక్షన్ డిజైన్, పాత్రల డిజైనింగ్ అన్నీ చక్కగా రూపొందించబడ్డాయి. యానిమేషన్ నాణ్యత కూడా మంచి స్థాయిలో ఉంది. దర్శకుడు ఉజాన్ గంగూలీ మిగతా 4 రోజుల యుద్ధాన్ని 9 ఎపిసోడ్స్లో చూపించడానికి సంతృప్తికరమైన ప్రయత్నం చేశారు.
మైనస్ పాయింట్లు:
కొన్ని ఎపిసోడ్స్ స్లోగా అనిపించినా, కథలోని భావనను అర్థం చేసుకున్న వారికి ఇది అవసరమైన పేస్. అర్జునుడు-కర్ణ యుద్ధం ఎపిసోడ్ మరింత గ్రాండ్గా ఉంటే బాగుండేది. అయినప్పటికీ, భావోద్వేగం మరియు తాత్విక కోణాలను ఇష్టపడేవారికి ఈ సీజన్ తప్పక నచ్చుతుంది.
తీర్పు:
మొత్తం మీద కురుక్షేత్ర సీజన్ 2 ఒక డీసెంట్ క్లోజింగ్ సీజన్గా నిలుస్తుంది. యాక్షన్ కన్నా డ్రామా, ధర్మం, ఫిలాసఫీపై దృష్టి పెట్టింది. మహాభారతంలోని తెలియని అంశాలను తెలుసుకోవాలనుకునే వారికి ఇది ఒక మంచి అనుభవం అవుతుంది.
ఫైనల్ రేటింగ్: 2.75/5
కామెంట్స్ (1)
“భావోద్వేగం, ధర్మం, తాత్వికతతో నిండిన విజువల్ యుద్ధ గాథ!”